कविता-शिक्षा
प्रकृति अर्याल
सोचेको छु मन भन्दा ठूोलो अरु हैन
शिक्षा बिना दुनियाँमा, कुनै धन छैन
तिम्रो हाम्रो मेरो पनि, उही नै हो धन
शिक्षा भन्दा अरु ठूलो, के हुन्छ र भन
दृष्टी हीनहरु पनि यसैबाट हेर्छन्
कलमहरु देशको मूहार शिक्षाबाटै फेर्छन्
शिक्षा लिन कैल्यै पनि हुन्न लजाउन
शिक्षा भन्दा अरु ठूलो, के हुन्छ र भन
जति बाँढ्यो उती बढ्छ ज्ञान चारैतिर
मेट्छ यस्ले दीनदुखीको दुख अनि पिर
विद्वता र श्रृजनाले फैलँदो छ झन
शिक्षा भन्दा अरु ठूलो, के हुन्छ र भन
सबै प्रश्न उत्तरित छन् यसका अघिल्तिर
शिक्षाले नै जन्माउँछ योद्धा ठूला विर
अन्धकारलाई हटाएर ज्योति चम्काउँन
शिक्षा भन्दा अरु ठूलो, के हुन्छ र भन
सिद्दार्थ मावि,हेटौंडा-२,मकवानपुर
